रचनाएं

शासनश्री साध्वी मंजुप्रभा

हे जी हां सा शासनमाता री यादां म्हांने आबै सा,
नयणां रा अश्रु रुक नहीं पावै सा---नयणां---

हे जी हां सा देवी स्वरूपा धरती पर थे उतरया सा,
चंदेरी गौरव घणो चमकायो सा---।।

हे जी हां सा गण री गरिमा नै शिखरां चढ़ाई सा,
तीनूं गुरुवाँ री सेवा थे साझी सा---।।

हे जी हां सा थांरै नयणां रो नेहडलो अमोलो सा,
आकर्षण फोटूलाखां दिलां में सा---।।

हे जी हां सा वाणी इमरत सी, हाथ रो जिकारो सा,
मनगमती सूरत मनहारी प्यारी सा---।।

हे जी हां सा जीवन अप्रमत्त, निरभिमानी सा,
विलक्षण जोड़ी दूजी न पावां सा---।।

हे जी हां सा संपादन सृजनात्मक शैली अलबेली सा,
इतिहास बण्यो है इचरचकारी सा---।।

हे जी हां सा साध्वी गण री थे ख्यात बढ़ाई सा,
ऊँचाई गण में खूब दिराई सा---।।

हे जी हां सा थे तो गुरुवां री कीरपा भारी पाई सा,
गुरु दर्शन देवण दौड़ लगाई सा।
वंदन विधि देख्यां हीयो हरसावै सा---।।

हे जी हां सा थांरी प्रणति में पांचू अंग नमावां सा,
श्रद्धा सुमन री भेंट चढ़ावां सा।
स्वर्गां में म्हांने निजरां में रखज्यो सा---।।

लय: है जी हां सा म्हांरी---